Negros Occidental – Nahuli ang isang 38-anyos na lalaki matapos mahulihan ng baril at droga kasabay ng inilunsad na drug buy-bust operation ng La Carlota City PNP sa Teachers Village, RSB, La Carlota City, Negros Occidental, bandang 12:19 ng tanghali, nitong ika-29 ng Mayo 2023.
Kinilala ni Police Lieutenant Lowell Garinganao, Chief of Police ng La Carlota City Police Station, ang naaresto na si Emard Warte, 38, walang trabaho, naitala bilang Street Level Individual at residente ng naturang syudad.
Narekober sa suspek ang limang gramo ng suspected shabu na may halagang Php34,000.
Nakuha pa sa suspek ang isang yunit ng caliber .38 na revolver na may apat na bala, Php500 na buy-bust money, 1 coin purse at isang sling bag.
Nakakulong na sa himpilan ng La Carlota City Police Station ang nahuling suspek.
Ang matagumpay na operasyon ay isang patunay na ang Negros Occidental PNP ay hindi titigil hanggat hindi napupuksa ang ilegal na droga sa probinsya.
