Quezon City — Arestado ng mga operatiba ng Masambong Police Station (PS 2) ang Top 2 Station Level Most Wanted Person at isa pang wanted sa bisa ng Warrants of Arrest nito lamang Linggo, Mayo 28, 2023.
Kinilala ni Police Lieutenant Colonel Resty Damaso, Station Commander ng PS 2, ang Top 2 MWP na si Jay-Ray, 37 at residente ng No. 15 Apollo St., Brgy. Delmonte, Quezon City na naaresto sa kanyang tirahan bandang 4:20 ng hapon.
Ayon kay PLtCol Damaso, siya ay may nakabinbing Warrants of Arrest for Robbery at paglabag sa B.P 881 o ang Omnibus Election Code of the Philippines.
Samantala, nadakip naman ng parehong operatiba ang akusadong si Domingo Gallardo, dakong alas-11:00 ng umaga sa Block 3, Lot 19, Bagong Silang, Brgy. 176, Caloocan City dahil sa paglabag naman sa R.A. 9262 o Anti-Violence Against Women and their Children Act of 2004.
“Talagang pinaiigting namin ang aming manhunt operations sa QCPD para arestuhin ang mga akusado na nagtatago sa batas. Ito’y para panatilihing ligtas ang QCitizens sa lahat ng uri ng kriminalidad at pagbabanta”, ani QCPD Director, PBGen Nicolas D Torre III.
Source: SMART PIO QCPD
Panulat ni PSSg Remelin M Gargantos
