General Santos City – Umabot sa 29 indibidwal ang naaresto sa kabi-kabilaang operasyon kontra ilegal na droga ng mga tauhan ng Police Regional Office (PRO) 12.
Ayon kay Police Brigadier General Jimili Macaraeg, Regional Director ng PRO12, nagsimula ang operasyon noong Mayo 22-28, 2023, kung saan sinuyod ng mga awtoridad ang lahat ng probinsya para tuluyan nang masawata ang kalakalan ng ilegal na droga sa Rehiyong 12.
Nagresulta ang naturang operasyon sa pagkakasabat ng 11.57 gramo ng hinihinalang shabu at 11.99 gramo ng marijuana na may kabuuang halaga na Php80,114.
Dalawang High Value Individual, 18 na Street Level Individual at siyam na not listed ang nadampot sa mga naturang operasyon.
Tiniyak naman ng PRO 12 ang maigting na operasyon laban sa ilegal na droga tungo sa pagkamit ng isang mapayapa, tahimik at maunlad na komunidad.
Panulat ni Patrolman Khnerwin Jay A Medelin/RPCADU12
