Mati City – Arestado ang isang indibidwal sa isinagawang buy-bust operation sa Brgy Badas, Mati City, Davao Oriental nito lamang Mayo 29, 2023.
Kinilala ni Police Lieutenant Colonel Ernesto Gregore, Chief of Police ng Mati City Police Station, ang suspek na si alyas “Tata”, 43, residente ng Brgy. Badas, Mati City, Davao Oriental na tinaguriang Street Level Drug Personality.
Naaresto ang suspek matapos magbenta ng ilegal na droga sa nagpanggap na poseur-buyer na tauhan ng Mati PNP.
Nakuha mula sa suspek ang ilang pakete ng hinihinalang shabu na may bigat na humigit kumulang na 3 gramo na may street market value na Php20,400 at marked money na ginamit sa operasyon.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Samantala hindi naman titigil ang Police Regional Office 11 sa kanilang operasyon upang lalong mapabuti ang Rehiyon 11 sa ilalim ng pamumuno ni Police Brigadier General Alden Delvo, Regional Director.
Panulat ni Patrolman Alfred Vergara/RPCADU11
