Cagayan de Oro City – Nagsagawa ng Community Outreach Program ang mga tauhan ng Cagayan de Oro City Police Provincial Office sa Brgy. Puerto, Cagayan de Oro City nito lamang Mayo 27, 2023.
Ang aktibidad ay pinangunahan ni Police Colonel Aaron Mandia, City Director ng Cagayan de Oro City Police Office katuwang ang iba’t ibang Non-Government Organization at Force Multipliers ng lungsod.
Naisagawa ang naturang aktibidad sa pamamagitan ng pamimigay ng food packs, mga damit, mobile library at libreng tsinelas.
Isinagawa rin ang lecture patungkol sa Crime Prevention at tinatayang nasa 200 ang naging benepisyaryo ng naturang aktibidad.
Labis ang pasasalamat ng mga mamamayan sa mga biyayang kanilang natanggap at patunay lamang ito na ang Pambansang Pulisya ay handang tumulong at magserbisyo ng tapat at buong puso para sa magandang kinabukasan ng mamamayan.
Panulat ni Pat Jomhel Tan/RPCADU10
