Tarlac – Tuloy-tuloy na naghahatid ng tulong ang Mayantoc PNP sa pamamagitan ng Feeding Program para sa mga mag-aaral ng Gossood, Mayantoc, Tarlac nito lamang Lunes, ika-29 ng Mayo 2023.
Ang naturang aktibidad ay pinamunuan ni Police Major Randie Niegos, Chief of Police ng Mayantoc Municipal Police Station katuwang ang Bigkis Task Force.
Nagpakain ang mga awtoridad ng libreng lugaw para sa mag-aaral ng nasabing paaralan.
Layunin nito na makapaghatid ng tulong at mabawasan ang bilang ng malnutrisyon sa kanilang nasasakupan.
Patuloy na naghahatid ng serbisyo at tulong ang Tarlac PNP para sa pagpapanatili ng magandang ugnayan sa mga mamamayan.
Source: Mayantoc Municipal Police Station
Panulat ni Police Corporal Jeselle Rivera/RPCADU3
