ParaƱaque City ā Tinatayang nasa Php24,460,000 halaga ng shabu ang nasamsam sa isang lalaki sa isinagawang buy-bust operation ng ParaƱaque City Police Station nito lamang Sabado, ika-27 ng Mayo 2023.
Kinilala ni PBGen Kirby John Kraft, District Director ng SPD, ang suspek na si alyas “Han” , 41-anyos na isang fire volunteer.
Ayon kay PBGen Kraft, naganap ang operasyon ng mga tauhan ng ParaƱaque City Police Substation 4 katuwang ang Station Drug Enforcement Unit (SDEU), dakong alas-2:50 ng madaling araw sa Balimbing St., Phase 3, Olivarez Compound, Barangay San Dionisio, ParaƱaque City na nagresulta sa pagkakaaresto ni alyas “Han”.
Narekober ng mga otoridad ang walong knot-tied transparent plastic sachet, dalawang medium-sized na plastic tea bags na silyado at may label na “GUAR YUN WANG,” at isang medium-sized na transparent plastic sachet na pawang naglalaman ng hinihinalang shabu na may kabuuang 3,450 gramo at nagkakahalaga ng Php24,460,000; isang tunay na Php1,000 na may kasamang 139 piraso ng boodle money; kulay asul at berde na eco bag; brown na sobre at isang weighing scale.
Paglabag sa Seksyon 5 at 11, Artikulo II ng Republic Act No. 9165 (Comprehensive Dangerous Drugs Act of 2002) ang isasampa sa nadakip na suspek.
Pinuri ni PMGen Edgar Alan O Okubo RD, NCRPO ang ParaƱaque City Police Station at ang Southern Police District, sa pananatiling nakatuon sa misyon nito na puksain ang mga aktibidad ng ilegal na droga sa nasasakupan nito at patuloy sa pagtiyak ng kaligtasan ng komunidad, aniya, āAng tagumpay ng operasyong ito ay nagpapakita ng dedikasyon at walang sawang pagsisikap ng SPD at ng lokal na komunidad sa pagtataguyod ng kapayapaan at kaayusanā.
Source: SPD PIO
Panulat ni PSSg Remelin M Gargantos
