Kalinga – Tinatayang nasa Php12, 000,000 halaga ng marijuana ang nadiskubre ng Kalinga PNP sa isinagawang Marijuana Eradication Operation (Oplan Libas) sa Buscalan, Tinglayan, Kalinga nito lamang ika-27 ng Mayo 2023.
Ayon kay Police Colonel Charles Domallig, Provincial Director, Kalinga Police Provincial Office, matagumpay ang operasyon ng pinagsamang operatiba ng Kalinga Provincial Drug Enforcement Unit, Tinglayan PNP, 1st at 2nd Kalinga Provincial Mobile Force Company, Regional Intelligence Division Cordillera, 1503rd Regional Mobile Force Battalion 15, Regional Intelligence Unit-14, 141st Special Action Company Ng PNP Special Action Force, NBI Bayombong at PDEA Kalinga.
Nadiskubre ng mga naturang grupo ang isang plantasyon na may sukat na 4000 sqm at humigit kumulang 60,000 piraso ng Fully Grown Marijuana Plants na may Standard Drug Price na Php12,000,000.
Kaagad namang sinunog ng mga operatiba ang nadiskubreng marijuana at walang nahuling marijuana cultivator.
Patunay lamang na ang Kalinga PNP ay patuloy ang pagpapaigting ng kampanya kontra ilegal na droga upang mapanatili ang kapayapaan at kaayusan sa kanilang nasasakupan.
