Northern Samar – Masayang isinagawa ng mga tauhan ng 804th Maneuver Company, RMFB 8 ang isang surpresa para sa isang Nanay para sa kanyang kaarawan sa Brgy. Urdaneta, Lavezares, Northern Samar nitong Mayo 26, 2023.
Ito ay isa sa mga best practices ng 804th Maneuver Company sa ilalim ng pangangasiwa ni Police Captain Tyrone Mark Cartalla, Officer-In-Charge.
Si Nanay Leonila Pacamara ay ipinagdiwang ang kanyang ika-77 na kaarawan at bilang pag-alala ay naghandog ang mga kapulisan ng isang birthday cake at munting grocery items para kay Nanay.
Bakas naman sa mukha ni Nanay ang labis na tuwa at kasiyahan sa pag-alala sa kanyang araw ng kapanganakan.
Ang ating kapulisan ay patuloy sa paghahatid ng serbisyo publiko sa ating mga kababayan upang mas lalong tumibay ang magandang ugnayan ng pulisya at komunidad.
