Iloilo – Kusang loob na sumuko ang isang miyembro ng komunistang teroristang grupong NPA sa himpilan ng Bingawan Municipal Police Station sa kagustuhan nitong magbalik-loob sa panig ng gobyerno nito lamang Biyernes, ika-26 ng Mayo 2023.
Kinilala ni Police Lieutenant Ryan Christ Into, Hepe ng Bingawan MPS ang sumukong si “Ka Dodoy”, 57, may asawa, residente ng Brgy. Cahigon, Calinog, Iloilo at naging aktibong miyembro ng NPA sa ilalim ng Kilusang Rehiyon (KR) Panay sa taong 2007 hanggang 2014.
Ayon kay PLt Into, isinuko rin ni ka Dodoy ang kanyang armas na isang 38 revolver, homemade shotgun at isang granada.
Naging matagumpay ang pagsuko nito sa tulong at pagsisikap ng lokal na pamahalaan ng Bingawan katuwang ang 62 SAC 6 SAB PNP-SAF, Bingawan MPS, at Regional Intelligence Unit 6.
Ang pagsuko ng dating rebelde sa PNP ay isang malinaw na indikasyon na may tiwala ito at kumpiyansa sa kampanya ng gobyerno kaugnay sa pagpapatupad ng E.O. 70 o National Task Force to End Local Communist Armed Conflict (NTF ELCAC) upang isulong ang kapayapaan, kaayusan at pagkakaisa.
