Puerto Princesa City – Nagsagawa ang Puerto Princesa City Police Office ng 5-Day Seminar on Disaster Preparedness Search, Rescue and Retrieval Operations sa Puerto Princesa City Police Office Headquarters, Brgy. San Pedro, Puerto Princesa City noong Mayo 26, 2023.
Naging pangunahing tagapagsalita sa naturang pagbubukas ng pagsasanay si Police Brigadier General Joel Doria, Regional Director ng PRO MIMAROPA, na nilahukan ng mga kapulisan at ibang ahensya mula sa iba’t ibang Municipal Police Station ng Palawan PPO, 1st Provincial Mobile Force Company, 2nd PMFC, 401st RMFB 4B, Bureau of Fire Protection at Puerto Princesa City Police Office.
Ang naturang pagsasanay ay bahagi ng mga hakbang ng PNP na hasain at hubugin ang kakayahan ng kapulisan na maging maliksi, mabilis, at maingat sa pagtugon tuwing may darating na mga sakuna o kalamidad upang maging ligtas ang bawat mamamayan sa kanilang nasasakupan.
Panulat ni Patrolman Erwin Calaus
