Ilocos Sur – Naaresto ng Cervantes PNP ang Top 1 Municipal Most Wanted Person sa kasong Anti-Cattle Rustling Law of 1974 o PD 533 nito lamang ika-25 ng Mayo 2023.
Kinilala ni Police Lieutenant Rodel Marzan, Hepe ng Cervantes Municipal Police Station, ang suspek na si alyas Jonathan, 37, residente ng Brgy. Libang, Cervantes, Ilocos Sur.
Ayon kay Police Lieutenant Marzan, bandang 10:30 ng umaga nang naaresto ang suspek sa Sitio Cabatoan Brgy. Rosario, Cervantes, Ilocos Sur ng mga operatiba ng Cervantes MPS (lead unit), Ilocos Sur Provincial Intelligence Unit at 102nd Maneuver Company RMFB1.
Ayon pa kay Police Lieutenant Marzan, naaresto ang suspek sa bisa ng Warrant of Arrest na may rekomendadong piyansa na Php108,000.
Patuloy ang pagganap ng tungkulin ng mga kapulisan ng Cervantes MPS at pagtugis sa mga may pananagutan sa batas para mapanatili ang katahimikan at kaayusan sa kanilang nasasakupan.
Source: Cervantes MPS
Panulat ni PSSg Lhenee Bulanday Valerio
