Bukidnon – Matagumpay na naisagawa ang Community Outreach Program ng mga tauhan ng Police Regional Office 10 sa Brgy. Kalugmanan, Manolo Fortich, Bukidnon nito lamang Mayo 26, 2023.
Pinangunahan ito ni Police Colonel Elias Hampac, Chief, Regional Community Affairs and Development Division 10 at Police Colonel Restituto Lacano, Officer-In-Charge ng Bukidnon Police Provincial Office at Hon. Reynaldo Bagayan Jr, Municipality Vice-Mayor Manolo Fortich.
Nakiisa rin si Pastora Gloria Tabacon, Life Coach, GoodNews Christian Fellowship, Mr. Reyque Facture, Presidente ng Oro Higala Eagles Club, Hon. Jimmy Anlagan, Barangay Kagawad ng Kalugmanan at Force Multipliers.
Nagkaroon ng pamimigay ng food packs, tsinelas, pack lunch at feeding program.
Bukod dito, mayroon ding serbisyong medical, libreng tuli at libreng gupit.
Labis naman ang pasasalamat ng 250 indibidwal sa kanilang natanggap na tulong mula sa iba’t ibang ahensya ng pamahalaan.
Nagturn-over naman ng Revitalized Pulis sa Barangay ng play ground na kanilang pinatulung-tulungan para sa ikasasaya ng mga kabataan ng naturang lugar.
Patuloy ang Police Regional Office 10 sa ilalim ng pamumuno ni Police Brigadier General Lawrence Coop, Regional Director sa paghahatid ng dekalidad na serbisyo lalong lalo na sa Geographically Isolated Disadvantage Areas o GIDAS upang mas mapalakas pa ang ugnayan at matulungan ang mamamayan na lubos na nangangailangan.
Panulat ni Patrolman Edwin Baris/RPCADU10
