Baguio City – Arestado ang Top 2 City Most Wanted Person sa kasong paglabag sa R.A. 9262 sa Brgy. Kisad Road, Baguio City nito lamang Mayo 25, 2023.
Kinilala ni Police Major Jason Eugenio, Chief of Police, Baguio City Police Station 8, ang suspek na isang lalaki, 41 anyos at residente ng nasabing lugar.
Naging matagumpay ang operasyon sa pinagsamang pwersa ng Baguio City Police Station 8, Baguio City Intelligence Unit, at Baguio City Police Station 7.
Naaresto ang suspek sa bisa ng Warrant of Arrest sa kasong paglabag sa R.A. 9262 o Violence Against Women and their Children Act of 2004.
Ang Baguio City PNP ay patuloy na papaigtingin ang pagdakip sa mga taong may pananagutan sa batas at hindi titigil sa pagsugpo sa mga kriminalidad sa buong nasasakupan.
