Benguet – Nagsagawa ng Simultaneous Showdown Inspection ng Search, Rescue and Retrieval (SRR) Equipment ang Police Regional Office Cordillera sa PROCOR Parade Ground, Camp Major Bado Dangwa, La Trinidad, Benguet nito lamang Mayo 26, 2023.
Ang aktibidad ay pinangunahan ni PROCOR Regional Director, Police Brigadier General David Peredro Jr., katuwang ang Command Group at mga key officers ng PROCOR.
Sinuri ang mga standby at available equipment, mobility, ambulances at PROCOR trucks, gayundin ang kahandaan ng Reactionary Standby Support Force (RSSF) na binubuo ng mga ng Regional Mobile Force Battalion 15 at Benguet PNP.
Sinuri din ang medical team ng RMDU, Canine team ng REOD at RECU, Communication team ng RECU at Disaster Identification team ng RRFU.
Ang aktibidad ay sabay sabay na isinagawa sa iba’t ibang Police Provincial Office hanggang sa mga Municipal Police Station para masuri ang kahandaan at ang mga kagamitan ng PROCOR PNP na magagamit sa oras ng kalamidad.
Samantala, itinalaga naman ng PBGen Peredo Jr., ang 450 police officers bilang miyembro ng SRR team gayundin ang 548 police officers na miyembro ng SRR team para sa kanilang deployment.
Pagpapakita lamang ito ng kahandaan ng Pambansang Pulisya sa pagpaplano at hakbangin sa panahon ng kalamidad para sa kaligtasan at seguridad ng mga mamamayan.
