Cagayan de Oro City – Muling umarangkada ang Cagayan de Oro City PNP sa programang Taos Pusong Handog ni City Director na may temang “Higalang Pulis, Kapanalig Kailanman”.
Ito ay isang paraan upang matulungan at mabigyan ng saya ang mga bata at indigent na pamilya na makisaya sa mga programa ng Pambansang Pulisya na ginanap sa Jollibee, Kauswagan, Diversion Road, Cagayan de Oro City nito lamang Mayo 25, 2023.
Ang programa ay pinangunahan ni Police Colonel Aaron Mandia, City Director ng Cagayan de Oro City Police, kasama si Police Lieutenant Colonel Evan Viñas, Chief Community Affairs and Development Unit/Public Information Office.
Nasa 20 indigent family at 60 na bata na galing sa mga Hinterlands Barangays ang naging benepisyaryo ng naturang programa.
Nagkaroon ng palaro, pamimigay ng school supplies at pinagsaluhan ang masarap na Jollibee meals na nagbigay saya at ngiti ng ating mga kabataan at magulang.
Ang naturang aktibidad ay layuning ipadama sa mga kabataan ang nagkaka-isang serbisyo ng CDO PNP na hangad ay mabigyan ng saya ang mga bata at pamilya at panatilihing tahimik ang ating bayan.
Panulat ni Patrolman Joshua Fajardo/RPCADU10
