Nagsagawa ng Coastal Clean-up Drive ang Olongapo City PNP sa Brgy. Barretto, Olongapo City nito lamang Huwebes, ika-25 ng Mayo 2023.
Ang naturang paglilinis ay pinangunahan ni Police Major Rodel Paragas, Chief, City Community Affairs and Development Unit ng Olongapo City Police Office katuwang ang Bureau of Jail and Management Penology (BJMP), Kaligkasan Volunteer at Barangay Based Advocacy Group.
Pinulot ng mga naturang grupo ang mga plastic, bottles at iba pang basura na nakakalat sa gilid ng dalampasigan.
Kaugnay ito sa PNP Core Values na “Makakalikasan” na naglalayong makiisa sa pagpapanatili ng kalinisan ng ating kapaligiran.
Nakikiisa ang Olongapo City PNP sa pagsusulong ng iba’t ibang aktibidad o programa ng ating pamahalaan sa pangangalaga ng ating kalikasan.
Source: Olongapo City Police Office
Panulat ni Police Corporal Jeselle Rivera/RPCADU3
