Cebu City – Nakatanggap ang 150 na mag-aaral ng Sirao Elementary School at Taptap Elementary School ng mga school supplies na handog ng mga tauhan ng Cebu City Mobile Force Company nito lamang ika-25 ng Mayo 2023.
Ang naturang aktibidad ay pinangunahan ni Police Lieutenant Colonel Dexter Maleza Calacar, Force Commander, CMFC, katuwang ang mga miyembro ng North and South Cebu Riders.
Ang mga mag-aaral ay nabigyan ng bag na naglalaman ng iba’t ibang kagamitan tulad ng coloring books, crayons, papel, lapis, eraser at iba pa na siyang taos-pusong ipinagpapasalamat ni Mrs. Cresencana Alcantara, School Principal ng Taptap Elementary School.
Ang bawat ngiti sa mukha ng mga bata ay simbolo ng liwanag at pag-asa para sa isang mas positibong kinabukasan na naghihintay sa kanila.
Sinisiguro naman ni PLtCol Calacar sa mga guro, mag-aaral at mga magulang na patuloy ang kapulisan sa pagbibigay seguridad at serbisyo sa mga nangangailangan sa pamamagitan ng samut-saring Community Outreach Program.
