Maguindanao del Norte – Nagsagawa ng Clean-up Drive ang mga tauhan ng Datu Blah Sinsuat Municipal Police Station sa Brgy. Matuber, Datu Blah Sinsuat, Maguindanao del Norte noong ika-24 ng Mayo 2023.
Pinangunahan ni Police Captain Conrad Rimando, Chief of Police ng Datu Blah Sinsuat MPS, ang nasabing aktibidad katuwang ang KaligKasan Advocacy Support Group bilang pagsuporta sa PNP core values na “Makakalikasan.”
Layunin ng aktibidad na mapanatiling malinis ang kapaligiran at mapangalagaan ang luntiang ganda ng inang kalikasan.
Patuloy na hinihikayat ng Pambansang Pulisya ang mamamayan na makiisa sa ganitong aktibidad upang maiwasan ang pagbaha at anumang uri ng sakit dulot ng maruming kapaligiran.
Panulat ni Pat Mark Vincent Valencia
