Laguna – Tinatayang nasa Php190 milyong halaga ng shabu ang nasamsam ng mga awtoridad sa ikinasang buy-bust operation na nagresulta sa pagkakadakip ng dalawang High Value Individuals sa Ciudad Verde Purok 2, Brgy. Makiling, Calamba City, Laguna bandang 3:19 ng hapon nito lamang Mayo 24, 2026.
Kinilala ni Police Brigadier General Carlito Gaces, Regional Director ng Police Regional Office 4A, ang dalawang suspek na sina alyas “Madam,” 37, residente ng Brgy. San Pablong Nayon, Sto Tomas City, Batangas at alyas “Erwin,” 37, residente ng Brgy. Lecheria, Calamba City, Laguna.
Naaresto ang dalawang suspek matapos mahuli sa akto ng pagbebenta ng ilegal na droga sa nagpanggap na poseur buyer na tauhan ng Laguna PNP.
Nakuha mula sa dalawang suspek ang 28 kilograms ng shabu na may tinatayang halaga na Php190,400,000, isang mobile phone; dalawang body bags; isang weighing scale; Toyota Hi-Ace Van at buy-bust money.
Ang dalawang naarestong suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
“This successful operation signifies the commitment of law enforcement agencies in the fight against illegal drugs, ensuring the safety and security of communities in the whole region,” Saad ni PBGen Gaces.
Source: Police Regional Office 4A- PIO
Panulat ni PSSg Grace Neville Ortiz
