Quirino – Matagumpay na iginawad ang Kwarto ni Neneng kay Ginang Shania Del Rosario, benepisyaryo ng programa na ginanap sa Brgy. Dumabato Norte, Maddela, Quirino nito lamang ika-23 ng Mayo 2023.
Ang aktibidad ay pinangunahan ni Police Lieutenant Colonel Ramon Macarubbo, Hepe ng Police Community Affairs and Development Unit (PCADU) katuwang ang Maddela PNP at Municipal Advisory Group (MAG) sa pamumuno ni Hon. Rimel Tolentino, Alkalde ng bayan ng Maddela, Quirino.
Tampok sa aktibidad ang paghandog ng simbolikong susi at pamamahagi ng isang sakong bigas at grocery items sa benepisyaryo ng Project Kwarto ni Neneng.
Labis ang tuwa at pasasalamat naman ang naging tugon Ginang Shania Del Rosario sa lahat na nagbahagi ng suporta at tumulong sa aktibidad.
Matatandaan noong ika-19 ng Mayo nagsagawa ang PNP ng Zumba for Cause na naging bunga rin ng pagbuo ng ganitong proyekto.
Ang “Kwarto ni Neneng” ay isa sa mga hakbang sa pag-iwas sa krimen na may layuning matigil ang pagsasagawa ng mga insidente ng panggagahasa o panghahalay at magkaroon ng ligtas at payapang pamayanan.
Source: Quirino PPO
Panulat ni Police Staff Sergeant Marilyn A Maggay
