Bataan – Personal na nakiramay at nag-abot ng financial assistance si Police Brigadier General Jose Hidalgo Jr, Regional Director ng Police Regional Office 3, sa naulilang pamilya ni Police Corporal Darnel Alfonso na nakahimlay sa Santuario Talisay, Balanga, Bataan nito lamang Martes, ika-23 ng Mayo 2023.
Matatandaan na nasawi si PCpl Alfonso matapos ang engkwentro sa dalawang suspek sa isinagawang buy-bust operation sa Orion, Bataan noong Martes ng madaling araw.
Sinisiguro naman ni PBGen Hidalgo na makakatanggap ang naulilang pamilya ng financial assistance para masigurong may magandang kinabukasan ang anak na naiwan.
Samantala, ginawaran naman ng Medalya ng Sugatang Magiting sina Police Major Dennis Duran, Chief Provincial Intelligence Unit ng Bataan Police Provincial Office at Police Staff Sergeant Glenn Salac na kasalukuyang nagpapasagamot sa hospital.
Saludo ang buong hanay ng Pambansang Pulisya sa katapangan na ipinamalas ni PCpl Alfonso na ibinuwis ang buhay para sa sinumpaang tungkulin at mapanatiling tahimik ang ating bayan.
Source: Police Regional Office 3
Panulat ni Police Corporal Jeselle Rivera/RPCADU3
