Bukidnon – Arestado ng Malaybalay City PNP ang isang Wanted Person sa kasong Murder na nakuhanan pa ng ilegal na baril sa Purok 3, Casisang, Malaybalay City, Bukidnon nito lamang Miyerkules, ika-24 ng Mayo 2023.
Kinilala ni Police Lieutenant Julius Clark Macariola IV, Chief of Police ng Malaybalay City Police Station, ang suspek na si alyas “Rodulfo”, 43, residente ng Purok 6, Casisang, Malaybalay City, Bukidnon.
Ayon kay PLtCol Macariola IV, nakatanggap ng tawag ang kanilang tanggapan na namataan si alyas “Rodulfo” sa isang gas station at agad naman pinuntahan ng mga tauhan ng Malaybalay City PNP na nagresulta ng pagkakaaresto sa suspek para sa kasong Murder na walang rekomendadong piyansa.
Nakuha din mula kay alyas “Rodulfo”, ang isang Cal .45 na may serial no. 124349, isang magazine at holster.
Nahaharap ngayon ang suspek sa kasong Murder at paglabag sa RA 10591 o Comprehensive Firearms and Ammunition Regulation Act.
Sa nagkakaisang layunin ng mamamayan at Northern Mindanao PNP ay patuloy na magtutulungan upang mahuli ang mga Wanted Persons para sa ligtas at payapang komunidad.
Panulat ni Patrolman Joshua Fajardo/RPCADU10
