Malabon City — Arestado ang isang lalaki ng mga tauhan ng Malabon City Police Station matapos mahulihan ng baril na walang kaukulang papeles nito lamang Huwebes, Mayo 25, 2023.
Kinilala ni Police Brigadier General Ponce Rogelio Peñones Jr., District Director ng Northern Police District, ang suspek sa pangalang Loyd, 40, walang trabaho, binata, at kasalukuyang naninirahan sa Libis-Espina Street, Barangay 18, Caloocan City.
Ayon kay PBGen Peñones Jr, nadakip ang suspek dahil sa sumbong ng isang concerned citizen bandang 4:30 ng madaling araw sa kahabaan ng Lapu-Lapu Street, corner Pampano Street, Barangay Longos, Malabon City ng mga kapulisan ng Police Sub-Station 5 ng Malabon CPS.
Nakumpiska kay Loyd ang isang kalibre.38 revolver na sina Smith at Wesson (Snub nose); at dalawang caliber .38 live ammunition.
Mahaharap ang suspek sa kasong paglabag sa RA 10591 o Comprehensive Firearms and Ammunition Regulation Act.
“Nananatiling determinado ang NCRPO na mapanatili ang batas at kaayusan, at patuloy na paiigtingin ang pagsisikap na labanan ang ilegal na pag-aari at kalakalan ng mga baril. Sa sama-samang suporta ng publiko at walang patid na dedikasyon ng ating mga tauhan sa pagpapatupad ng batas, tiwala tayo na makakamit natin ang mas ligtas na NCR,” ani PMGen Edgar Alan Okubo, NCRPO Regional Director.
Source: NPD PIO
Panulat ni PSSg Remelin M Gargantos
