Tacloban City – Matagumpay na napasakamay ng mga operatiba ang dalawang drug suspek sa ikinasang buy-bust operation ng PNP at PDEA 8 sa Barangay 62-B Sagkahan Dist., Tacloban City nito lamang madaling araw ng Mayo 24, 2023.
Kinilala ni Police Major Joselito Amistoso, Station Commander ng Tacloban City Police Station 2, ang mga nadakip na sina alyas “Emel” at alyas “April”.
Ang operasyon ng Station Drug Enforcement Unit ng TCPS2 sa pangunguna ni Police Captain Rey Baldicano Jr, katuwang ang PDEA Regional Office 8 ay nagresulta sa pagkakakumpiska sa 15 pirasong sachet ng hinihinalang shabu na tumitimbang ng humigit kumulang 5 gramo na may tinatayang market value na Php34,000.
Mahaharap ang mga suspek sa kasong paglabag sa Sec. 5 at 11 ng Article II sa ilalim ng RA 9165 o Comprehensive Dangerous Drugs Act of 2002.
Tiniyak naman ng Tacloban City PNP na patuloy pa nilang paiigtingin ang kampanya laban sa lahat ng uri ng ipinagbabawal na droga sa kanilang nasasakupan upang masiguro ang kaligtasan ng lahat at mapanatili ang kapayapaan at kaayusan sa buong komunidad.
