Maguindanao del Norte – Nagsagawa ng Medical Mission at Feeding Program ang mga kapulisan ng Regional Medical and Dental Unit BAR sa mga residente ng Sitio Maman, Labungan, Datu Odin Sinsuat, Maguindanao Del Norte nito lamang ika-23 ng Mayo 2023.
Kabilang sa aktibidad ang libreng check-up at konsultasyon, pamamahagi ng gamot, at feeding program sa 452 na naging benepisyaryo ng naturang aktibidad.
Naging matagumpay ang aktibidad sa pangunguna ni Police Captain Nexon Besorio, MD, katuwang ang Datu Odin Sinsuat Municipal Police Station, The PROJECT TABANG BARMM, Rotary Club of Cotabato East, at si Asst. District Governor Bai Zennia Sinsuat ng District 3870.
Lubos naman ang pasasalamat ng mga naging benepisyaryo sa tulong na natanggap nila mula sa Pambansang Pulisya.
Ang aktibidad na ito ay nagpapatunay lamang sa tunay na malasakit ng pulisya sa ating mga kababayang lubos na nangangailangan at isa din itong paraan upang mas lalo pang pagtibayin ang relasyon sa pagitan ng PNP at komunidad.
Panulat ni Patrolman Charlie Nasroden Corpuz
