Leyte – Arestado ang Top 5 Municipal Most Wanted Person sa isinagawang operasyon ng mga operatiba sa Poblacion District 1 MacArthur, Leyte, nito lamang ika-22 ng Mayo 2023.
Kinilala ni Police Captain Lino Lopez, Acting Chief of Police ng MacArthur Municipal Police Station, ang naaresto na si alyas “Allan”, 51, driver, mekaniko at residente ng Poblacion District 1, MacArthur, Leyte.
Ang operasyon ay naging matagumpay sa pagtutulungan ng mga tauhan ng MacArthur MPS at CIDG Northern Leyte PFU na nagresulta sa pagkakaaresto ng suspek sa bisa ng Warrant of Arrest para sa kasong Acts of Lasciviousness sa ilalim ng Art. 336 ng RPC kaugnay sa Art. 111, sec. 5 Par. (B), ng RA 7610 na may inirekomendang piyansa na Php180,000.
Ang Leyte PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad.
