Dalaguete Cebu – Pinangunahan ng mga tauhan ng 703rd Maneuver Company ng Regional Mobile Force Battalion 7 ang pagtatayo ng bagong bahay sa Sitio Alang-alang Brgy. Mantalongon, Dalaguete, Cebu nito lamang ika-21 ng Mayo 2023.
Ang aktibidad ay pinangunahan ni Police Lieutenant John Michael N Mendiola, Officer-In-Charge, katuwang ang mga miyembro ng Elite Guardian-Dalaguete Chapter na pinamumunuan ni Mr. Henry Ricky P Cordero at Barangay Officials.
Malapit ng matapos ang konstruksyon ng naturang bahay para sa napiling benepisyaryo na si Tatay Roger.
Ang benepisyaryong si Tatay Roger ay lubos ang pasasalamat sa kapulisan, “Salamat sa buong pusong pagtulong sa amin, hinding-hindi namin ito makakalimutan. May bahay na kami ngayon na matitirhan ng pamilya ko. Ang aking kaligayahan ay lampas sa mga salita. Salamat sa iyong kabutihan.”
Ang 703rd Maneuver Company ay ipagpapatuloy ang nasimulang proyekto upang makatulong at makapagbigay ng ginhawa at saya sa mga nangangailangan at upang magbigyan sila ng isang permanenteng tirahan kasama ng kanilang mga mahal sa buhay.
