Sarangani Province – Matagumpay na nadiskubre ng pulisya at kasundaluhan ng Sarangani Province ang iba’t ibang kagamitang pandigma ng Communist Terrorist Group (CTG) sa Sitio Crossing Koda, Brgy. Batian, Maitum, Sarangani nito lamang ika-21 ng Mayo 2023.
Ayon kay Police Colonel Nicomedes Olaivar Jr., Provincial Director ng Sarangani Police Provincial Office, dahil sa patuloy na pagsasagawa ng Major Internal Security Operation ng mga tauhan ng Sarangani PNP,; Maitum Municipal Police Station, Sarangani EOD, Regional Special Operations Group 12, Sarangani Provincial Intelligence Unit, 38th Infantry Battalion ng Philippine Army, ay matumpay na natunton at nakumpiska ang naturang kagamitan.
Ang nasabing operasyon ay nagresulta sa pagkakadiskubre at pagkakarekober ng isang improvised 12-gauge shotgun, dalawang yunit ng Cal. 38 revolver, tatlong yunit ng Cal .22 revolver, isang Cal. 357 revolver, mga materyales sa paggawa ng bomba, at dalawang container na naglalaman ng bigas.
Mariing pinaalalahanan naman ni Police Brigadier General Jimili Macaraeg, Regional Director ng Police Regional Office 12, ang mga natitira pang mga miyembro ng teroristang grupo na magbalik-loob sa pamahalaan at huwag sayangin ang kanilang buhay sa walang saysay at maling ideolohiya na ipinaglalaban ng komunistang grupo.
Panulat ni Patrolman Khnerwin Jay Medelin/RPCADU12
