Cotabato – Timbog ang isang High Value Individual matapos mahulihan ng ilegal na armas at droga sa isinagawang Search Warrant Operation sa Purok 2, Brgy. Lanao, Kidapawan City, Cotabato pasado alas 2:30 ng madaling araw nito lamang Mayo 19, 2023.
Ayon kay Police Lieutenant Colonel Peter Pinalgan Jr., Hepe ng Kidapawan City Police Station, dahil sa pinagsanib na pwersa ng Kidapawan City Police Station, Cotabato Police Provincial Office, Provincial Police Drug Enforcment Unit, Regional Police Drug Enforcement Unit 12 at 1203rd Maneuver Company ng Regional Mobile Force Battalion 12, matagumpay na nadakip ang target ng operasyon na kinilalang si alyas “Frank”, 24, mekaniko at residente ng nasabing lugar.
Nakuha sa mismong tinitirhan ng suspek ang 0.080 gramo ng shabu na may tinatayang halaga na Php2,000 at isang yunit ng Cal.38 revolver na kargado ng limang bala.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002 at RA 10591 o Firearms and Ammunition Regulation Act.
Sa patuloy na pagseserbisyong nagkakaisa ng Kidapawan City PNP ay hindi titigil na magsagawa ng mga operasyon laban sa mga taong lumalabag sa batas para mapanatiling mapayapa at ligtas ang komunidad.
Panulat ni Patrolman Khnerwin Jay Medelin/RPCADU12
