Isabela – Umaapaw na galak ang nakita sa mag-asawang Bernardo Daliri at Thelma Daniel sa naisagawang pag-iisang dibdib nila at sobrang nagpasalamat sa natanggap na libreng pabahay mula sa kapulisan ng Benito Soliven PNP sa pamumuno ni Police Major Rufo Figarola Jr. na ginanap sa Brgy. District 1, Benito Soliven, Isabela noong ika-19 ng Mayo 2023.
Dala ng kapansanan at hirap ng buhay, sa tagal ng pagsasama ay ngayon pa lamang natanggap ng mag-asawa ang ikapitong sakramento.
Nahandugan din sila ng isang sakong bigas, grocery items na nagkakahalaga ng Php14,000 at kitchen wares na nagkakahalaga ng Php8,000 bilang pagsisimula nila ng pangkabuhayan.
Dumalo sa aktibidad si Police Lieutenant Colonel Michael Aydoc, Chief PCADU ng Isabela PPO at iba pang mga sponsors sa naturang pabahay.
Mangiyak-ngiyak na nagpasalamat ang mag-asawang nahandugan ng pabahay at libreng kasal dahil ayon sa kanila hindi maisasakatuparan ito kung hindi sa tulong ng kapulisan.
Layunin ng programang ito na makatulong sa pagtugon ng mga pangangailangan ng mga mahihirap na pamilya at mapaigting ang samahan sa iba’t ibang sektor ng lipunan.
Source: Benito Soliven PS
Panulat ni PSSg Jerlyn V Animos
