Muntinlupa City — Muli na namang naimbitahan ang Regional Police Community Affairs and Development Unit ng NCR sa tanggapan ng Bureau of Correction upang magpaunlak ng isang Dance Fitness Activity sa kanilang mga tauhan nito lamang Huwebes, ika-18 ng Mayo 2023.
Ang naturang aktibidad ay pinangunahan ni CTSupt Ma. Cecilia Villanueva, Acting Director ng Directorate for Health and Welfare Services kasama ang RPCADU NCR sa pamumuno ni Police Lieutenant Colonel Nieves Dela Peña, Acting Chief ng nasabing yunit.
Masayang nakiindak at nakihataw ang mga tauhan ng BuCor kasama ang mga trainees sa isang oras na dance marathon sa pangunguna ng RPCADU NCR na nagsilbing mga dance instructors.
Layunin ng aktibidad na panatilihing malakas at malusog ang pangangatawan ng bawat empleyado ng organisasyon upang magampanan ng maayos ang kanilang araw-araw na tungkulin.
Panulat ni PSSg Remelin M Gargantos
