Cagayan – Nakiisa ang Iguig PNP sa matagumpay na pagsasagawa ng taunang Free Operation Tuli at Bloodletting Activity na ginanap sa Iguig Gymnasium, Barangay Ajat, Iguig, Cagayan nito lamang ika-17 ng Mayo 2023.
Umabot sa mahigit 830 na residente ang naging benepisyaryo ng naturang aktibidad na kung saan 291 na kabataan ang nakatanggap ng libreng tuli at 540 naman ang nakapagdonate ng dugo na nabigyan din ng incentives mula sa LGU bilang pasasalamat sa pakikiisa sa aktibidad.
Tuwa at pasasalamat ang naging tugon ng mga residente sa kanilang natanggap na serbisyo mula sa lokal na pamahalaan at mga ahensyang nagserbisyo kabilang na ang Pambansang Pulisya.
Kaagapay ng Lokal na Pamahalaan at iba pang ahensya ng pamahalaan at ang PNP sa pagsasagawa ng mga aktibidad para sa serbisyong nagkakaisa tungo sa ligtas, malusog at malakas na mamamayan upang makamit ang kaunlaran ng pamayanan.
Source: Iguig Police Station
