Oriental Mindoro – Huli ang isang High Value Individual sa isinagawang Anti-Illegal Drug Operation ng mga tauhan ng Police Provincial Drug Enforcement Unit Oriental Mindoro sa Brgy. Inclanay, Pinamalayan, Oriental Mindoro noong ika-17 ng Mayo 2023.
Kinilala ni Police Colonel Samuel Delorino, Provincial Director ng Oriental Mindoro PPO, ang suspek na may alyas na “Lolong”, 44, residente ng Pinamalayan, Oriental Mindoro.
Ayon kay PCol Delorino, naaresto ang suspek sa isinagawang Joint Anti-Illegal Drug Operation ng mga tauhan ng Police Provincial Drug Enforcement Unit Oriental Mindoro, Pinamalayan MPS, at Provincial Drug Enforcement Agency.
Nahaharap sa kasong paglabag sa RA 9165 o kilala bilang “Comprehensive Dangerous Drugs Act of 2002” ang nahuling suspek matapos mabilhan ng hinihinalang ilegal na droga kapalit ng Php500.
Narekober rin mula sa suspek ang pera na ginamit bilang buy-bust money, at lima pang plastic sachet ng hinihinalang shabu, isang kaha ng sigarilyo na walang laman at isang cigarette foil.
Ang PNP ay hindi titigil sa paghuli sa mga taong may pagkakasala sa batas at iba pang ilegal na aktibidad para manatiling ligtas at maayos ang komunidad.
Panulat ni Patrolman Erwin Calaus
