Zamboanga City – Tinatayang nasa Php510,000 halaga ng shabu ang nakumpiska sa dalawang naarestong suspek sa ikinasang buy-bust operation ng Regional Drug Enforcement Unit 9 sa Pura Bucoy, Brgy. Camino Nuevo, Zamboanga City bandang 6:00 ng gabi nito lamang Mayo 17, 2023.
Kinilala ni Police Captain Vicente Antonio Verallo Jr., Team Leader ng RDEU 9, ang dalawang susepek na sina alyas “Darwin”, 25, may asawa, rice dealer, residente ng Asinan, Brgy. Kasanyangan, Zamboanga City at alyas “Mabini”, 39, may asawa, residente ng Mormons Drive, Brgy. Tetuan, Zamboanga City.
Nakumpiska mula sa dalawang suspek ang dalawang pirasong transparent plastic sachets ng 75 gramo na may tinatayang halaga na Php510,000, dalawang piraso ng genuine Php500 bill bilang marked money, isang bundle ng 34 piraso ng Php1,000 bill bilang bogos money.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang RDEU 9 sa kampanya kontra ilegal na droga upang manatiling ligtas ang mga mamamayan na walang ibang hatid kundi wasakin ang magandang kinabukasan lalo na sa ating mga kabataan.
Source: Regional Drug Enforcement Unit 9
Panulat ni PSSg Grace Neville Ortiz
