Negros Oriental – Arestado ang isang High Value Individual na drug suspek makaraang makumpiskahan ng nasa Php176,800 halaga ng shabu sa PNP buy-bust sa Zone 7, Oracion Drive, Brgy. Looc, Dumaguete City, Negros Oriental noong Mayo 15, 2023.
Kinilala ni Police Colonel Alex Recinto, Acting Provincial Director ng Negros Oriental Police Provincial Office (NOPPO) ang nadakip na si “Archie”, 41, residente ng Prk. Maloloy-on, Brgy. Calindagan ng kaparehong siyudad.
Ayon kay PCol Recinto, dakong alas-11:45 ng gabi noong Lunes nang maaresto ang suspek ng mga tauhan ng Dumaguete City Police Station; Negros Oriental Provincial Drug Enforcement Unit; Regional Intelligence at Drug Enforcement Unit 7; at ng Dumaguete Maritime Police Station.
Narekober mula sa suspek ang nasa 26 gramo ng pinaghihinalaang shabu na may Standard Drug Price na Php176,800; isang unit ng My Phone (cellphone); at ang buy-bust money na ginamit sa operasyon.
Nahaharap ang suspek sa kasong paglabag sa R.A. 9165 o ang Comprehensive Dangerous Drugs Act of 2002.
Ang matagumpay na operasyon bunga ng walang humpay na pagpapaigting ng Negros Oriental PNP sa kampanya nito kontra ilegal na droga at sa lahat ng uri ng kriminalidad para sa maayos, payapa at maunlad na komunidad.
