Ormoc City – Nagsagawa ng Community Outreach Program at Project READY ang mga kapulisan ng Ormoc City Mobile Force Company sa Barangay Patag, Ormoc City nitong Mayo 16, 2023.
Ang aktibidad ay pinangunahan ni Police Corporal Curley Siega, CAS PNCO sa ilalim ng pangangasiwa ni Police Lieutenant Colonel Joel Camacho, Force Commander.
Ang naturang aktibidad ay isinagawa sa pamamagitan ng Libreng Gupit, Sagot ni Tsip at Mobile Nutrisyon para sa mga mag-aaral ng Patag Elementary School.
Bukod dito, nagsagawa rin ng lecture sa PROJECT READY (Resistance Education against Drugs for the Youth) na tinaguriang isa sa pinaigting na anti-illegal drug campaign ng pamahalaan.
Ang proyektong ito ay isang preventive information at education program upang turuan at protektahan ang mga kabataan mula sa mga mapaminsalang epekto ng mapanganib na droga.
Layunin ng programang ito na magkaroon ng kaalaman ang mga estudyante patungkol sa masamang epekto ng ipinagbabawal na gamot at sa mga iba pang mga batas kaugnay dito.
