Mt. Province – Nagbigay saya at tuwa ang Sadanga PNP sa isinagawang Community Outreach Program para sa mga mag-aaral ng Anabel Elementary School-Pusong Extension Class, Sadanga, Mt. Province nito lamang ika-15 ng Mayo 2023.
Ayon kay Police Captain Bonifacio Fanged, Chief of Police, Sadanga Municipal Police Station, naging tampok sa aktibidad ang pamimigay ng school supplies, libreng gupit, feeding program at pamamahagi ng footwears kung saan nasa 34 mag-aaral ng nasabing paaralan ang naging benepisyaryo.
Labis naman na pasasalamat ang naging pahayag ng mga mag-aaral, ganundin ng mga guro sa mga regalong handog ng mga awtoridad.
Patuloy naman ang Sadanga PNP sa pagsasagawa ng mga iba’t ibang aktibidad upang mas lalong pagtibayin ang ugnayan sa pamayanan lalo na sa mga lubos na nangangailangan.
