Maguindanao del Norte – Boluntaryong isinuko ng isang concerned citizen ang kanyang loose firearm sa Brgy. Tapayan, Sultan Mastura, Maguindanao del Norte noong Mayo 14, 2023.
Malugod na tinanggap ni Police Captain Elmar Elarcosa, Chief of Police ng Sultan Mastura Municipal Police Station, ang isinukong unregistered .45 caliber ni Mando Pendi, 51, Chief Lupon ng nasabing lugar.
Ito ay kaugnay sa pinaigting na kampanya kontra loose firearm at Municipal Task Force to End Local Communist Armed Conflict.
Kasalukuyang nasa pangangalaga ng Sultan Mastura MPS ang isinukong baril para sa dokumentasyon at ituturn-over sa Regional Crime Laboratory Office BAR para sa tamang disposisyon.
Patuloy naman na nagpapaalala ang Pambansang Pulisya ng Pilipinas sa mga gun owners na siguruhing may kaukulang dokumento ang mga baril na pagmamay-ari nila para hindi humantong sa pagkakakulong at kung may “unregistered firearms” naman ay maaaring makipag-ugnayan sa pinakamalapit na himpilan ng pulisya kung nais nila itong isuko.
Panulat ni Pat Mark Vincent Valencia
