Albay – Naghandog ang mga babaeng tauhan ng Tiwi Municipal Police Station ng munting surpresa sa mga nanay ng IP Community kaugnay ang selebrasyon ng Mother’s Day sa nasabing munisipyo nito lamang Mayo 14, 2023.
Ang aktibidad na ito ay handog ng Tiwi MPS sa mga ilaw ng tahanan bilang parte ng pagdiriwang ng Mother’s Day 2023, kung saan sila ay nagbigay ng personalized cakes at balloons para sa espesyal na araw ng mga nanay na miyembro ng IP Community.
Ang “Araw ng mga ina” ay isang mahalagang pagkakataon upang markahan ang mga kontribusyon ng mga ina sa ating buhay at sa ating lipunan at ito ay ipinagdiriwang taon-taon tuwing ikadalawang linggo ng Mayo.
Ito ay bilang pagpupugay at pagkilala sa mga “Ilaw ng Tahanan”. Ito rin ang natatanging araw upang bigyang-pugay ang mga milyun-milyong kababaihan sa mundo na siyang nagbibigay-buhay at pag-asa, mga inang walang sawang nagmamahal ng buong puso sa kanilang pamilya.
Ang PNP ay saludo sa bawat inang patuloy na lumalaban at hindi sumusuko sa anumang hamon na kinakaharap sa buhay.
Source: Tiwi MPS of Albay PPO
