Patuloy ang pagpapakita ng kapulisan ng Isabela sa mahusay na pamumuno ni Police Colonel Julio Go, Provincial Director, ang kanilang pagmamalasakit sa kalikasan sa pamamagitan ng Simultaneous Tree Planting sa iba’t ibang bayan sa lalawigan ng Isabela ngayong araw, ika-13 ng Mayo 2023.
Ang mga kapulisan na binubuo ng 1st at 2nd IPMFC, 2 City Police Stations, at 34 Municipal Police Stations ay nakapagtanim ng 2,325 na iba’t ibang klase ng punla.
Nilahukan din ng mga miyembro ng KKDAT at National Coalition ng Lingkod Bayan Advocacy Support Group at Force Multipliers ang nasabing pagtatanim.
Layunin nang isinagawang aktibidad na makatulong sa pangangalaga ng kalikasan upang maiwasan ang anumang kalamidad na ikakapamahak ng nakararami.
Source: Isabela PPO, PIO
Panulat ni PSSg Jerlyn V Animos
