Kalinga – Binunot at sinunog ng Kalinga PNP at PDEA ang tinatayang nasa Php11,000,000 halaga ng marijuana na nadiskubre sa dalawang plantasyon sa Buscalan, Tinglayan, Kalinga nito lamang Mayo 11-12, 2023.
Ayon kay PCol Charles Domallig, Provincial Director ng Kalinga Police Provincial Office, nagsagawa ng marijuana eradication ang mga tauhan ng Tinglayan PNP, 1st at 2nd Kalinga Provincial Mobile Force Company, 1503rd ng Regional Mobile Force Battalion 15, Regional Intelligence Unit 14, Provincial Drug Enforcement Unit, PNP Special Action Force, Regional Police Drug Enforcement Unit, NBI Bayombong District Office, Armed Forces of the Philippines at PDEA Kalinga.
Ayon pa kay PCol Domallig, tinatayang nasa 55,000 piraso ng mga fully grown marijuana plants na may Standard Drug Price na Php11,000,000 ang nadiskubre ng mga operatiba sa nasabing operasyon na agad naman binunot at sinunog.
Samantala, wala naman nahuling cultivator sa mga nadiskubreng plantasyon.
Ang Kalinga PNP ay patuloy sa pinaigting na kampanya kontra ilegal na droga para sa ligtas at payapang pamumuhay sa buong probinsya.
