Maguindanao del Norte – Sumuko ang 50 miyembro ng Bangsamoro Islamic Freedom Fighter (BIFF) na ginanap sa Bigkis-Lahi Hall, Camp BGen Salipada K Pendatun, Parang, Maguindanao Del Norte nito lamang ika-12 ng Mayo 2023.
Ang nasabing pagsuko ay pinangunahan nina Police General Benjamin Acorda Jr., Chief, Philippine National Police at Police Brigadier General Allan Nobleza, Regional Director ng PRO BAR.
Kasabay ng pagsuko ng 50 miyembro ng BIFF, ay itinurn-over din nila sa pamahalaan ang kanilang mga matataas na kalibre ng mga armas.
Ang mga sumukong miyembro ng BIFF ay ginawaran din ng livelihood assistance na “Pedtabanga Tanu” upang makapag-umpisang muli at maibalik sa normal ang kanilang pamumuhay.
Ang nasabing aktibidad ay dinaluhan din ni Hon. Cahar P. Ibay, Mayor ng Munisipalidad ng Parang, Maguindanao Del Norte; Police Major General Victor Wanchakan, Acting Deputy Commander, APC-Western Mindanao; PBGen Jose Melencio Nartatez Jr, OIC, Directorate for Intelligence; PBGen Leo Franciso, OIC, Directorate for Operation; BGen Eduardo Gubat, Philippine Army, ADC, 6ID; Focal person ng Gobernador ng Maguindanao Del Sur, mga kinatawan ng MILG BARMM at Maguindanao Del Norte, mga miyembro ng Command Group, PRO BAR, at mga kapulisan ng PRO BAR.
Ang pagbabalik-loob ng mga dating miyembro ng BIFF ay patunay lamang ng matagumpay ang kampanya ng ating pamahalaan upang makamit ang pagkakaisa at pangmatagalang pangkapayapaan sa ating bansa.
Panulat ni Patrolman Charlie Nasroden Corpuz
