Maguindanao del Norte – Binisita ng Ama ng Pambansang Pulisya na si PGen Benjamin Acorda Jr ang mga personahe ng Police Regional Office Bangsamoro Autonomous Region sa Camp BGen Salipada K Pendatun, Parang, Maguindanao del Norte nito lamang ika-11 ng Mayo 2023.
Mainit na sinalubong ng mga personahe ng PRO BAR sa isinagawang arrival honors sa pamumuno ni PBGen Allan Cruz Nobleza, Regional Director, katuwang ang ibang matataas na opisyal ng PNP PRO BAR.
Binigyan rin ng parangal ang mga awardees sa PRO BAR sa kanilang mga natatanging kontribusyon at accomplishments para sa organisasyon.
Bilang parte ng aktibidad ay naghandog ng isang tradisyunal na sayaw ang PRO BAR Dance Troupe na nagbigay aliw at sigla sa mga manunuod at bilang pagtatapos ay sabayang inawit ang PRO BAR Hymn at PNP Hymn “Ang PNP Lingkod ng Bayan” na sinabayang tugtog ng PRO BAR Band.
Nagpasalamat naman ang mga opisyal at tauhan ng PRO BAR sa pagbisita ni PGen Acorda Jr, at sa hatid nitong inspirasyon sa hanay ng pulisya, dala-dala ang prinsipyong “Serbisyong Nagkakaisa” sa paglilingkod sa komunidad.
Panulat ni Pat Mark Vincent Valencia
