Quezon City — Arestado ang tatlong Station Most Wanted Persons ng Quezon City Police District (QCPD) sa bisa ng Warrant of Arrest sa magkahiwalay na operasyon nito lamang Martes, Mayo 9, 2023.
Ayon kay Police Brigadier General Nicolas Torre lll, District Director ng QCPD, nadakip ng Masambong Police Station (PS 2) ang dalawang MWP na kinilalang si Joshtin, 20, na nakalista bilang Top 3 Most Wanted Person, residente ng Antipolo City, at Kurt Angeluz, 18, Top 4 Most Wanted Person, at residente ng Cainta, Rizal.
Ang mga nasabing suspek ay nakakulong sa Teresa District Jail Male Dormitory, Sitio Pantay, Barangay Dalig, Teresa, Rizal nang ihain ang nasabing warrant dahil sa paglabag sa R.A. 10883 o The New Anti-Carnapping Law of the Philippines at Robbery.
Samantala, nahuli naman ng mga operatiba ng Batasan Police Station (PS 6) ang kanilang Top 3 Most Wanted Person na kinilalang si Ryan, 23, at residente ng Brgy. Batasan Hills, Quezon City.
Siya ay naaresto bandang alas-3:50 ng hapon sa Nikon St., Brgy. Commonwealth, Quezon City at siya ay may nakabinbing Warrant of Arrest para sa 2 Counts of Statutory Rape.
“Seryoso ang QCPD sa mandato nitong hulihin ang mga wanted habang pinalalakas nito ang puwersa nito sa pagtiyak ng kaligtasan ng publiko. Ipagpapatuloy ng ating mga pulis ang kanilang masinsinang operasyon para sa mga may warrant of arrest na nagtatago pa rin sa batas,” ani QCPD Director PBGen Torre III habang hinihikayat niya ang mga pulis ng QCPD na gawin ang kanilang makakaya upang matiyak ang isang mapayapa at ligtas na Lungsod.
Source: PIO QCPD
Panulat ni PSSG Remelin M Gargantos
