Bataan – Nagsagawa ng Drug Awareness Lecture ang 2nd Bataan Provincial Mobile Force Company sa mga Grade 7 na mag-aaral ng Lamao, National High School, Barangay Lamao, Limay, Bataan nito lamang Biyernes, ika-5 ng Mayo 2023.
Ang naturang pagtuturo ay pinamunuan ni Police Lieutenant Colonel Crizalde Conde, Force Commander ng 2nd Bataan Provincial Mobile Force Company.
Naghatid ng kaalaman ang mga awtoridad sa pamamagitan ng Drug Awareness Lecture na nagpapaalala sa mga kabataan na ang paggamit ng ilegal na droga ay nakakasama sa kanilang kalusugan at kinabukasan.
Ibinahagi din ang mga karampatang parusa sa mga lalabag sa ipinatutupad na batas at nagpaalala na huwag makibahagi sa mga ilegal na aktibidad na isinasagawa ng mga komunistang terorista.
Patuloy na maghahatid ng serbisyo ang Bataan PNP upang mas mapagtibay ang ugnayan sa mga mamamayan lalo na sa ating mga kabataan.
Source: 2nd Bataan Provincial Mobile Force Company
Panulat ni Police Corporal Jeselle Rivera/RPCADU3
