General Santos City – Sa kulungan ang bagsak ng isang lalaki matapos mahulihan ng ilegal na droga at baril sa ikinasang buy-bust operation ng mga awtoridad sa Purok Masigasig, Brgy. Tambler, General Santos City nito lamang ika-5 ng Mayo 2023.
Kinilala ni Police Major Ian Vistal Bagot, Station Commander ng General Santos City-Police Station 5, ang suspek na si alyas “Renan”, 39 at residente ng Brgy. Calumpang, General Santos City.
Ayon kay PMaj Bagot, ganap na 10:37 ng gabi nang maaresto ang suspek matapos makabili ng hinihinalang shabu sa nagpanggap poseur buyer kapalit ng buy-bust money.
Kumpiskado mula sa suspek ang siyam na piraso ng plastic sachet ng hinihinalang shabu na may timbang na 5.4 gramo na may tinatayang halaga na aabot sa Php36,720, isang piraso ng Php500 bill bilang buy-bust money, isang yunit ng Cal.45 na may kasamang magazine na kargado ng tatlong bala, at iba pang non-drug item.
Nahaharap ang suspek sa kasong paglabag sa RA 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act”.
Patuloy ang operasyon ng pulisya at pakikipagtulungan sa komunidad upang mahuli at matigil ang talamak na bentahan ng ilegal na droga at iba pang uri ng kriminalidad.
Panulat ni Patrolman Khnerwin Jay Medelin/RPCADU12
