Cagayan – Nakumpiska sa isang High Value Target (HVT) ang nasa Php1.5 Milyong halaga ng ilegal na droga sa PNP buy-bust operation sa Barangay Buntun, Tuguegarao City, Cagayan, Huwebes dakong 10:27 ng gabi nito lamang ika-04 ng Mayo 2023.
Kinilala ni Police Colonel Julio Gorospe Jr, Provincial Director ng Cagayan Police Provincial Office, ang nadakip na suspek na si alyas “Jeck”, 37, residente ng Brgy. Pallua, Tuguegarao City, Cagayan.
Naaresto ang suspek sa ikinasang buy-bust operation ng pinagsanib puwersa ng Provincial Drug Enforcement Unit-Provincial Intelligence Unit, Cagayan Police Provincial Office, Philippine Drug Enforcement Agency, Isabela Police Provincial Office (lead unit) at Tuguegarao City Police Station.
Ayon kay PCol Gorospe Jr, naaresto si alyas “Jack” matapos magbenta ng dalawang piraso ng heat-sealed transparent plastic sachet na naglalaman ng puting crystalline substance na hinihinalang shabu sa isa sa mga operatiba na nagsilbing poseur buyer.
Nakumpiska mula sa suspek ang isang green Crocs eco bag na naglalaman ng (4) na pirasong bricks na hinihinalang marijuana hashish na may tinatayang humigit kumulang 600 gramo na may Standard Drug Price na Php1.5 Milyon, dalawang pirasong white crystalline substance na hinihinalang shabu na humigit kumulang .02 gramo na may Standard Drug Price na Php1,500, isang unit ng Realme 71 cellular phone, isang pirasong genuine one thousand at isang pirasong 500 peso bill na buy-bust money.
Nahaharap ang suspek sa kasong paglabag sa Section 5 at 11 ng RA 9165 o Comprehensive Dangerous Drugs Act of 2002.
Pinuri naman ni Police Colonel Julio Gorospe Jr ang mga operatiba particular ang Cagayano Cops sa matagumpay nitong operasyon, giit pa niya, lalo pang paiigtingin ang kampanya laban sa ilegal na droga para sa pagpapanatili ng kaayusan at kapayapaan sa lalawigan.
Source: Police Regional Office 2
Panulat ni Police Staff Sergeant Jermae D Javier
