Lanao del Sur – Arestado ang dalawang indibidwal na sangkot sa ilegal na droga at gun-running sa isinagawang Search Warrant Operation ng pinagsamang mga operatiba ng PRO BAR sa Brgy. Poblacion, Marawi City, Lanao Del Sur nito lamang ika-4 ng Mayo 2023.
Kinilala ni Police Brigadier General Allan Nobleza, Regional Director ng PRO BAR, ang mga naarestong sina Abdul Macarao at anak nitong si Nasif Macarao na naaresto sa kanilang tirahan sa pagpapatupad ng Search Warrant.
Ayon kay PBGen Nobleza, ang mga naarestong suspek ay sangkot sa pagbebenta ng ilegal na droga, gun-for-hire, at ilegal na pagsusupply ng mga bala at baril sa ISIS Local Terrorist Group noong 2017 Marawi Siege.
Nakumpiska mula sa mga suspek ang iba’t ibang uri ng mga baril, bala at magazine.
Ang mga naarestong suspek ay mahaharap sa kasong paglabag sa RA 10591 o ang “Comprehensive Firearms and Ammunition Regulation Act” at RA 9516.
Samantala, tiniyak ni PBGen Nobleza sa publiko na ang Police Regional Office Bangsamoro Autonomous Region ay patuloy na paiigtingin ang kampanya nito kontra ilegal na baril upang mabasawan ang kriminalidad sa Rehiyon ng Bangsamoro.
Panulat ni Patrolman Charlie Nasroden Corpuz
