Navotas City — Nasamsam ng mga tauhan ng Navotas City Police Station ang tinatayang Php217,000 halaga ng shabu sa apat na indibidbwal sa ikinasang buy-bust operation nito lamang Biyernes, Mayo 5, 2023.
Kinilala ni PBGen Ponce Rogelio Peñones Jr., District Director ng Northern Police District, ang mga suspek sa pangalang Erick, 36; Dennis, 35; Rommel, 28; at Angelito, 33, pawang mga residente ng Brgy. Tangos South, Navotas City.
Ayon kay PBGen Peñones Jr, nadakip ang mga suspek bandang 3:12 ng madaling araw sa S. Roldan St., Brgy. Tangos South, Navotas City ng mga operatiba ng Station Drug Enforcement Unit ng nasabing istasyon.
Nakumpiska sa mga suspek ang anim na piraso ng heat-sealed transparent plastic sachet na naglalaman ng pinaghihinalaang shabu na humigit kumulang 32 gramo ang bigat at may Standard Drug Price na Php217,600; at isang Php500 na buy-bust money.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang operasyon ng kapulisan at pakikipagtulungan sa komunidad upang mahuli at matigil na ang talamak na bentahan ng ilegal na droga, at iba pang uri ng kriminalidad sa lugar.
Source: NPD PNP
Panulat ni PSSg Remelin M Gargantos
